स्थानिक गुन्हे शाखा धाराशिव पोलीस पथकाची कारवाई
धाराशिव – पेट्रोलिंग करत असताना सिद्राम पोपट पवार व रमेश राजाभाऊ पवार रा.वरूडा (पारधी पिढी) यांनी मोटारसायकली, केबल वायर व खापरी पेंडीचे पोते चोरून आणुन त्यांच्या घराच्या बाजुला असलेल्या शेडमध्ये ठेवल्याची माहिती मिळाल्याने पथकासह माहिती मिळालेल्या ठिकाणी जाऊन आरोपींचा शोध घेतला असता आरोपी पळून जाण्याच्या तयारीत असताना त्यांना शिताफीने पकडून ताब्यात घेऊन त्यांच्या घराची तसेच आजुबाजूची पाहणी केली असता घरच्या बाजूच्या शेडमध्ये लावलेल्या मोटारसायकली, केबल वायर व खापरी पेंडीचे पोते मिळून आले. त्याबाबत त्यांना विचारले असता त्यांनी मोटारसायकली या धाराशिव, भुम, सोलापुर, बीड, केज या ठिकाणाहून व केबल वायर, खापरी पेंडीचे पोते हे धाराशिव येथून दुकानातुन व वरूडा रोडवरून जाणारे ट्रकमधुन आम्ही दोघे व आमचा एक साथीदार असे मिळुन चोरून आणल्याचे सांगितले.
चोरलेल्या सर्व मोटारसायकली ची माहिती घेतली धाराशिव आंनदनगर, भूम, केज, सोलापूर व बीड ग्रामीण या ठिकाणी गुन्हे दाखल असल्याची माहिती मिळाली. तसेच केबल वायर, खापरी पेंडीचे पोते बाबत माहिती घेतली असता आनंदनगर व धाराशिव ग्रामीण पोलीस स्टेशन येथे गुन्हा दाखल असल्याची माहिती मिळाली.स्थानिक गुन्हे शाखा धाराशिव येथे दोन पंचासमक्ष चोरीच्या मोटार सायकली व केबल वायर, खापरी पेंडीचे पोते असे 2,05,483 रू. चा मुददेमाल जप्त करून आरोपींना आनंदनगर पोलीस स्टेशन येथे हजर करण्यात आले.
सदरील कामगिरी पोलीस अधिक्षक शफकत आमना यांच्या मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार, सह पोलीस निरीक्षक सचिन खटके, सहपोलीस निरीक्षक अमोल मोरे, पोलीस हवालदार विनोद जानराव, अमोल निंबाळकर, नितीन जाधवर, शोभा बांगर, पोना बबन जाधवर, चालक महेबुब अरब, विनायक दहिहंडे, प्रकाश बोईनवाड यांच्या पथकाने केली
