तेर जिल्हापरिषद गटातून पृथ्वीराज आंधळे पाटील यांच्या मातोश्री यांना राष्ट्रवादी काँग्रेस पक्षाकडून संधी मिळणार?
धाराशिव – महाराष्ट्रातील आगामी जिल्हा परिषद (ZP) निवडणुकांसाठी पहिल्या टप्प्यातील ५ फेब्रुवारी रोजी मतदान आणि ७ फेब्रुवारीला मोजणी होणार असल्याची घोषणा झालेली आहे. युतीबाबत आणि आघाडी सत्ताधारी महायुतीतर्फे तसेच महाविकास आघाडी यांच्यातर्फे अद्याप घोषणा झाली नसल्याचे चित्र आहे. जिथे काही भागात प्रामुख्याने युती असेल तर काही जागांवर मित्रपक्ष एकमेकांना सोबत घेऊन लढणार असल्याची शक्यता आहे.
सध्या राष्ट्रवादी काँग्रेस पक्ष आत दोन गटांमध्ये विभागलेला आहे (अजित पवार गट आणि शरद पवार गट), परंतु जिल्हा परिषदेच्या निवडणुकांसाठी दोन्ही गटांनी एकत्र लढणार असल्याचे वृत्त आहे. ज्यामुळे आगामी निवडणुकांमध्ये गट एकत्र काम करण्याची शक्यता अधिक स्पष्ट होत आहे. या राजकीय पार्श्वभूमीवर पृथ्वीराज आंधळे पाटील यांच्या मातोश्री कालींदा युवराज आंधळे यांना राष्ट्रवादी काँग्रेस पक्षाकडून तेर जिल्हापरिषद गटातून नाव आघाडीवर आहे. त्याचबरोबर सक्षणा सलगर यांच्या नावाची देखील चर्चा होत असल्याची माहिती आहे. याबाबत अधिकृत घोषणा झालेली नसली तरी कालींदा युवराज आंधळे यांना उमेदवारी मिळणार असल्याचे आंधळे पाटील यांच्या समर्थकांमधून बोलले जात आहे.
स्थानिक प्रभाव असलेले कार्यकर्ते आणि युवा नेतृत्व जिल्हापरिषद गटातून संधी मिळवू शकतात, ज्यात पृथ्वीराज आंधळे पाटील सारखे दांडगा जनसंपर्क असलेले आणि लोकांमध्ये एकजुटीचे नेतृत्व दाखवणारे युवा नेते पुढे येण्याची संधी असून लवकरच उमेदवारी बाबत चित्र स्पष्ट होणार आहे
कोण आहेत पृथ्वीराज आंधळे पाटील?
पृथ्वीराज आंधळे पाटील हे तेर येथील शरद पवारांच्या राष्ट्रवादीचे एकनिष्ठ युवा कार्यकर्ते आहेत. तेर येथील काही ग्रामपंचायत सदस्यांचा पृथ्वीराज पाटील यांच्याकडे पाठिंबा आहे. याआधी झालेल्या निवडणुकांमध्ये पृथ्वीराज यांनी आपल्या कर्तुत्वाचे चुणूक दाखवली आहे. तसेच पृथ्वीराज हे भाजप विरोधक म्हणून देखील ओळख आहे. त्यामुळे तेर गटातील विरोधक उमेदवारांना पृथ्वीराज पाटील यांच्या मातोश्री ह्या तगडी फाईट देणार असल्याचे त्यांच्या समर्थकांतून बोलले जात आहे
