वाशी – वाशी तालुक्यातील पारगाव परिसरामध्ये महाराष्ट्र राज्याचे माजी सार्वजनिक आरोग्य व कुटुंब कल्याण मंत्री तथा भूम परंडा वाशीचे विद्यमान आमदार प्राध्यापक डॉक्टर तानाजीराव सावंत साहेब यांच्या माध्यमातून पारगाव येथे पारगाव ते हातोला रस्त्याचे अडीच किलोमीटर रस्त्याचे डांबरीकरण ज्याची अंदाजे किँमत एक कोटी आहे,या रस्त्याचे काम आज पूर्ण झाले. तसेच पिंपळगाव कमळेश्वर,रूई,पारगाव या रस्त्याचे 3 कोटी 80 लाख रुपयाचे कामही प्रगतीपथावर असून या रस्त्याचे डांबरी रस्त्याचे काम पूर्ण झाले आहे,तसेच पिंपळगाव कमळेश्वर,रुई आणि पारगाव येथील सिमेंट रस्त्याचे काम अपूर्ण आहे,ते कामही लवकरच पूर्ण होईल अशी माहिती सार्वजनिक बांधकाम विभागाच्या खात्यातील अधिकारी यांनी दिली.पारगाव ते हातोला या रस्त्याची अत्यंत दयनीय अवस्था झाली असल्याने नागरिकांना या रस्त्यावरून वाहन चालवणे अत्यंत कठीण झाले होते. रस्त्याचे काम झाल्याने हातोला येथील नागरिकाकडून समाधान व्यक्त होत आहे.तसेच पारगाव,रुई,पिंपळगाव या रस्त्याचे काम सुरू असल्याने नागरिकांमध्ये समाधान व्यक्त होत आहे.
जेबा व पांगरी रस्त्याचे काम लवकरच पुर्ण करण्याची नागरिकांची मागणी
पारगाव येथून हातोला व पारगाव ते रुई,पिंपळगाव कमळेश्वर,या रस्त्याचे काम पूर्ण झाल्याने नागरिकांत समाधान व्यक्त होत आहे तसेच जेबा व पांगरी या रस्त्याचे ही काम लवकरात लवकर पूर्ण करावे असी मागणी नागरिकातून होत आहे.
पारगाव ते हातोला रस्त्याचे काम पूर्ण झाले आहे,केवळ साईड पट्ट्या भरणे अपूर्ण आहे तसेच पारगाव रुई पिंपळगाव कमळेश्वर या रस्त्याचे डांबरीकरण चे काम पूर्ण झाले असून, पिंपळगाव,रुई,पारगाव गाव अंतर्गत येणाऱ्या सिमेंट रस्त्याचे काम अपूर्ण आहे तसेच साईड पट्ट्या भरणे अपूर्ण आहे तेही काम लवकरात लवकर पूर्ण करण्यात येईल. अशी माहिती सार्वजनिक बांधकाम विभागाच्या अधिकाऱ्यांनी दिली.
विकास भगवान तळेकर शिवसेना उप तालुकाप्रमुख तथा संचालक कृषी उत्पन्न बाजार समिती वाशी.
