धाराशिव – धाराशिव जिल्हा परिषद निवडणुकीच्या रणधुमाळीत तेर जिल्हा परिषद गटातून राष्ट्रवादी काँग्रेस (शरद पवार गट) यांच्या उमेदवार सक्षणा सलगर यांनी प्रचाराचा जोरदार धडाका उडवून दिला आहे. गावोगावी, वाड्या-वस्त्यांवर, घराघरांत पोहोचत सक्षणा सलगर यांनी थेट जनतेशी संवाद साधत प्रचारात आघाडी घेतली असून, त्यांच्या प्रचाराला नागरिकांकडून उत्स्फूर्त आणि उदंड प्रतिसाद मिळताना दिसत आहे.
प्रचारात वेग, तर जनतेत उत्साह
सक्षणा सलगर यांनी प्रचाराची सुरुवात केल्यापासून तेर गटातील वातावरण पूर्णपणे बदलले आहे. छोट्या सभा, पदयात्रा, घरभेटी, महिला संवाद बैठकांच्या माध्यमातून त्यांनी जनतेशी थेट नाळ जोडली आहे. “सत्ता नाही, सेवा” या भूमिकेतून प्रचार करत असल्याचे त्यांनी ठासून सांगितले असून, सामान्य नागरिक, महिला, युवक आणि शेतकरी वर्गात त्यांच्या प्रचाराची विशेष चर्चा आहे.
राष्ट्रवादी (शरद पवार) गटाची ताकद मैदानात
राष्ट्रवादी काँग्रेस (शरद पवार गट) यांची उमेदवारी मिळाल्यानंतर सक्षणा सलगर यांच्या प्रचाराला अधिक बळ मिळाले आहे. शरद पवार यांच्या विचारधारेवर विश्वास ठेवणारा कार्यकर्ता वर्ग सक्रियपणे मैदानात उतरला असून, संघटित आणि नियोजनबद्ध प्रचार ही त्यांच्या मोहिमेची जमेची बाजू ठरत आहे. विकास, महिलांचे प्रश्न आणि स्थानिक मुद्द्यांवर भर प्रचारादरम्यान सक्षणा सलगर यांनी पाणीटंचाई, रस्ते व मूलभूत सुविधा, महिला सक्षमीकरण, युवकांना रोजगार आरोग्य व शिक्षण या मुद्द्यांवर ठाम भूमिका मांडली आहे. “तेर गटाचा विकास हा घोषणांमध्ये नाही, तर कामातून दिसला पाहिजे,” असा स्पष्ट संदेश त्यांनी जनतेला दिला आहे.
महिलांचा वाढता पाठिंबा ठरत आहे निर्णायक?
तेर गटात महिलांचा वाढता पाठिंबा सक्षणा सलगर यांच्यासाठी निर्णायक ठरण्याची चिन्हे दिसत आहेत. महिला मतदारांशी थेट संवाद, त्यांच्या समस्या ऐकून घेण्याची पद्धत आणि संवेदनशील नेतृत्वशैली यामुळे सक्षणा सलगर यांची प्रतिमा “घरातील एक व्यक्ती” अशी तयार होत आहे.
तेर गटात निवडणूक रंगात सक्षणा सलगर यांच्या प्रचारामुळे तेर जिल्हा परिषद गटातील निवडणूक अधिकच रंगतदार बनली आहे. विरोधकांची धावपळ वाढली असून, राष्ट्रवादी (शरद पवार गट) या गटाला तेरमध्ये मजबूत लढत देणारी ताकद म्हणून पाहिले जात आहे. जिल्हा परिषद निवडणुकीच्या शेवटच्या टप्प्यात सक्षणा सलगर यांचा हा प्रचाराचा झंझावात मतपेटीत किती प्रभाव टाकतो, याकडे आता संपूर्ण धाराशिव जिल्ह्याचे लक्ष लागले आहे.
