भाजपचे आमदार सुरेश धस यांचा मुलगा सागर धस याच्या एमजी हेक्टर या गाडीखाली येऊन अहिल्यानगरमधील तरुणाचा मृत्यू झाला आहे. सागर धस हा अहिल्यानगरहून पुण्याला जात असताना
पारनेर तालुक्यातील जातेगाव फाटा येथे ७ जुलै रोजी रात्री १०.३० वाजता झालेल्या अपघातात नितीन प्रकाश शेळके (वय ३४) या हॉटेल व्यावसायिकाचा मृत्यू झाला. भाजप आमदार सुरेश धस यांचा मुलगा सागर धस याच्या एम.जी. ग्लॉस्टर कारने (MH 23 BG 2929) नितीन शेळके यांच्या दुचाकीला धडक दिली.
शेळके हे मोटारसायकलवरून यु-टर्न घेत असताना भरधाव कारने जोरदार धडक दिली. अपघातात गंभीर जखमी झालेल्या शेळके यांचा उपचारापूर्वीच मृत्यू झाला. घटनेनंतर सुपा पोलीस ठाण्यात सागर धस याच्याविरुद्ध गुन्हा दाखल करण्यात आला असून, पोलीसांनी त्याला ताब्यात घेतले आहे. मृत नितीन शेळके यांच्या कुटुंबावर दुःखाचा डोंगर कोसळला असून, विशेष म्हणजे त्यांच्या वडील व चुलत्याचाही याच ठिकाणी अपघाती मृत्यू झाला होता. मात्र, ही अपघाताची घटना घडल्यानंतर मंगळवारी दुपारपर्यंत गुन्हा दाखल करण्याची प्रक्रिया सुरुच होती. या विलंबामुळे पोलिसांच्या कामावर प्रश्नचिन्ह उपस्थित केलं जात आहे.
नितीन शेळके असं अपघातात मृत्यू झालेल्या तरुणाचं नाव असून सागर धस या सुरेश धस यांचा धाकटा मुलगा आहे. सुरेश धस सध्या अधिवेशनात व्यस्त असतानाच सोमवारी रात्री १०:३० वाजण्याच्या सुमारास ही अपघाताची घटना घडल्यामुळे धस कुटुंबाचं टेन्शन वाढलं आहे.
मयत नितीन शेळके यांच्या कुटुंबातून अजून कुणीही पुढे येऊन याविषयी बोललेलं नाही, शिवाय पोलिसांनीही अधिकची माहिती दिलेली नाही. मात्र सागर हा स्वतः गाडी चालवत होता की अजून कुणी चालवत होतं याविषयी खात्री केली जात आहे. नितीन शेळकेंच्या मृत्यूला जबाबरदार ठरल्याप्रकरणी सागर धसवर सुपा पोलीस ठाण्यात गुन्हा दाखल करण्यात आला आहे.
