पिता पुत्रांवर ब्लेड, दगडाने जीवघेणा हल्ला
परंडा – परंडा शहरातील समतानगर झोपडपट्टी परिसरात जागेच्या कारणावरून एका डाक्टरने एकाच कुटुंबातील सदस्यांना अश्लील शिवीगाळ करत ब्लेड आणि दगडाने बेदम मारहाण केल्याची धक्कादायक घटना समोर आली आहे. या हल्ल्यात फिर्यादी आणि त्यांची मुले गंभीर जखमी झाली असून, परंडा पोलीस ठाण्यात संबंधित डाक्टरविरुद्ध विविध कलमांखाली गुन्हा दाखल करण्यात आला आहे.याबाबत पोलिसांनी दिलेल्या माहितीनुसार, वाहेद इस्माईल सौदागर (वय ४१, रा. हिमायतपुरा, मोगल मस्जिद जवळ, परंडा) यांनी याप्रकरणी फिर्याद दिली आहे. त्यानुसार आरोपी डा. आनंद गोरख मोरे (रा. समतानगर झोपडपट्टी, परंडा) याच्याविरुद्ध गुन्हा नोंदवण्यात आला आहे. जागेच्या वादातून झाला वाद फिर्यादी वाहेद सौदागर आणि आरोपी डा. आनंद मोरे यांच्यात जागेवरून जुना वाद सुरू आहे. याच वादातून गेल्या शुक्रवारी (दि. २२ मे) सायंकाळी पावणेसात वाजेच्या सुमारास परंडा ते देवगाव रोडवरील समतानगर झोपडपट्टी परिसरात आरोपीने वाहेद सौदागर यांना गाठले. यावेळी त्यांच्यात पुन्हा वाद उफाळून आला. ब्लेड आणि दगडाने केला वार वाद विकोपाला गेल्यानंतर आरोपी डॉ. आनंद मेरे याने वाहेद सौदागर, त्यांची मुले उवेस सौदागर आणि रेहाना शेख यांना अत्यंत अश्लील भाषेत शिवीगाळ करण्यास सुरुवात केली. एवढ्यावरच न थांबता आरोपीने हातातील ब्लेड आणि रस्त्यावरील दगडाने त्यांच्यावर सपासप वार केले. तसेच लाथाबुक्क्यांनी बेदम मारहाण केली. या अचानक झालेल्या हिंसक हल्ल्यात तिघेही जण रक्तबंबाळ होऊन गंभीर जखमी झाले आहेत. परंडा फोलेसांत गुन्हा दाखल या जीवघेण्या हल्ल्यानंतर फिर्यादी वाहेद सौदागर यांनी मंगळवारी (दि २६ मे) परंडा पोलीस ठाण्यात रीतसर तक्रार दिली त्यांच्या खबरीवरून आरोपी डॉ. आनंद गोरे याच्याविरुद्ध भारतीय न्याय संहिता (BNS) कलम 118 (2) 118(1) 74, 351(2) 352 अन्वये गुन्हा दाखल करण्यात आला आहे घटनेचा पुढील तपास GST पोलीस करत आहेत
