धाराशिव – हिंदुहृदयसम्राट वंदनीय बाळासाहेब ठाकरे आणि धर्मवीर आनंद दिघे यांच्या विचारांनी प्रेरित होऊन, शिवसेनेचे मुख्य नेते तथा उपमुख्यमंत्री एकनाथ शिंदे आणि लोकप्रिय खासदार ओम राजेनिंबाळकर यांच्या नेतृत्वावर विश्वास ठेवत धाराशिव शहरातील प्रभाग क्रमांक १० मधील गणेश राऊत यांच्यासह त्यांच्या सहकाऱ्यांनी शिवसेनेत जाहीर प्रवेश केला.
यावेळी बबलू आकोसकर, सुरज घोगरे, अलीम तांबोळी, भैय्या माळी, गणेश जाधव, धनंजय खंडागळे, कृष्णा आकोसकर, राहुल सूर्यवंशी, वैभव काकडे, सुरज काकडे, सुनील पवार, किशोर कोळी, सचिन सर्जे, अतुल खराडे, धीरज गरड, रितेश गायकवाड आणि सुशांत गायकवाड यांचा शिवसेनेत समावेश झाला.
पक्षाच्या विचारधारेवर आणि एकनाथ शिंदे व खासदार ओमराजे निंबाळकर यांच्या नेतृत्वावर विश्वास ठेवून शिवसेनेत सहभागी झालेल्या सर्व नवनिर्वाचित शिवसैनिकांचे स्वागत करण्यात आले. तसेच त्यांच्या आगामी सामाजिक आणि राजकीय वाटचालीसाठी शुभेच्छा देण्यात आल्या.या प्रवेशावेळी मनीषा वाघमारे, अक्षय खळदकर आणि सागर मोरे यांच्यासह शिवसेनेचे पदाधिकारी व कार्यकर्ते उपस्थित होते.
