धाराशिव – पहाटे हायवेवरून जाणाऱ्या चालत्या ट्रकमधुन अज्ञात चोरटयांनी मेंढया चोरल्याची घटना घडली होती त्याअनुषंगाने स्थानिक गुन्हे शाखेच्या धाराशिव येथील पथकाने गुन्ह्यातील आरोपींचा व मुद्देमालाचा शोध घेतला असता तेरखेडा लक्ष्मी पारधी पिढी येथील व उमरा पारधी पिढी येथील काही चोरट्यांनी पहाटे लक्ष्मी पारधी पिढी तेरखेड्याजवळ हायवेवरून जाणाऱ्या चालत्या ट्रकमधुन मेंढ्या काढून चोरलेल्या मेंढ्या उमरा पिढी येथील बाभळीच्या झाडाखाली लाल रंगाच्या टमटममध्ये सदरील मेंढया ठेवल्याची माहिती माहिती मिळताच येरमाळा पोलिसांनी सदरील छापा टाकला असता एका बाभळीचे झाडाखाली लाल रंगाच्या टमटम मध्ये मेंढ्या आढळून आल्या त्याच ठिकाणी 7 ते 8 इसम बसलेले दिसले.
पोलिसांना पाहताच सदरील इसमांनी धूम ठोकली. पोलिसांनी त्या लोकांचा पाठलाग केला परंतू पलायन करण्यास ते इसम यशस्वी झाले. पोलिसांनी त्या टमटमची पाहणी केली असता त्यामध्ये मेंढया दिसून आल्या. मेंढयासह सदरील टमटम येरमाळा पोलिसांनी ताब्यात घेत मेंढया ब टमटम असा एकुण 3,19,000/रू-चा मुददेमाल पुढील कार्यवाही येरमाळा पोलिस ठाण्यात हजर केला आहे
सदरची कामागिरी पोलीस अधिक्षक रितु खोखर यांच्या मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार, सपोनि सचिन खटके, येरमाळा पोलीस ठाण्याचे पथक तसेच हवालदार विनोद जानराव, नितीन जाधवर, बबन जाधवर, पोलिस हेड कॉन्स्टेबल शोभा बांगर, संतोष तिघाडे, संदीप चौघुले, रोहीत दंडनाईक यांच्या पथकाने यशस्वी केली.
