राजकीय, सामाजिक क्षेत्रातील अनेक मान्यवरांची उपस्थिती
शिर्डी – माजी मंत्री मधुकरराव देवराव चव्हाण व कै. सौ. शालिनी मधुकरराव चव्हाण यांचे नातू तथा श्री. सुनील मधुकरराव चव्हाण व सौ. शुभांगी सुनील चव्हाण (रा. अणदूर, ता. तुळजापूर, जि. धाराशिव) यांचे सुपुत्र चि. रणवीर आणि सौ. सुनिता व श्री. धनंजय भानुदास आठरे-पाटील (रा. शिर्डी, ता. राहाता, जि. अहिल्यानगर) यांची सुकन्या चि. सौ. कां. वेदिका यांचा साखरपुडा रविवारी (दि. ३०) शिर्डी येथे उत्साहात पार पडला.उपस्थित नातेवाईक, मित्रपरिवार व मान्यवरांनी भावी वधू-वरांना आशीर्वाद आणि शुभेच्छा दिल्या.
शिर्डी-कोपरगाव रोडवरील ‘साई सृष्टी रिसॉर्ट’ येथे दुपारी १२.३० वाजता झालेल्या या मंगल सोहळ्यास राजकीय, सामाजिक तसेच विविध क्षेत्रांतील मान्यवरांची उपस्थिती लाभली. उपस्थित मान्यवरांनी रणवीर व वेदिका यांना शुभेच्छा देत भावी वैवाहिक जीवनासाठी आशीर्वाद दिले.
या प्रसंगी खासदार संदिपान भुमरे पाटील, खासदार भाऊसाहेब वाघचौरे,मंत्री राधाकृष्ण विखे पाटील, आमदार बसवराज पाटील, माजी आमदार सुजितसिंह ठाकूर, माजी आमदार बदामराव पंडित, माजी जिल्हा परिषद अध्यक्ष शालीनी ताई विखे पाटील माजी आमदार सुधीर तांबे, युवा नेते मल्हार राणाजगजितसिंह पाटील, भाजप जिल्हाध्यक्ष दत्ता कुलकर्णी, युवा नेते केशव सावंत व डीसीसी बँकेचे संचालक नानासाहेब पाटील यांच्यासह नगराध्यक्ष, आजी-माजी जिल्हा परिषद, पंचायत समिती व ग्रामपंचायत सदस्य, सरपंच, सामाजिक कार्यकर्ते आणि विविध क्षेत्रांतील मान्यवर उपस्थित होते.
यावेळी माजी मंत्री मधुकरराव देवराव चव्हाण, बाबुराव मधुकरराव चव्हाण, अभिजित बाबुराव चव्हाण यांच्यासह चव्हाण व आठरे-पाटील परिवारातील सदस्य उपस्थित होते. स्नेहपूर्ण वातावरणात पार पडलेल्या या सोहळ्यामुळे दोन्ही परिवारांमध्ये आनंदाचे वातावरण होते.
