धाराशिव – आगामी नगरपरिषद निवडणुकीच्या पार्श्वभूमीवर प्रचारांना सुरुवात झाली आहे. बैठका, सभा, रॅली, डोअर टू डोअर प्रचारावर उमेदवारांचा भर दिसून येत आहे. याच पार्श्वभूमीवर राष्ट्रवादी काँग्रेस पक्ष (शरदचंद्र पवार) तर्फे 26 नोव्हेंबर बुधवारी धाराशिवमध्ये भव्य जाहीर प्रचार सभा आयोजित करण्यात आली आहे. या सभेला पक्षाचे प्रदेशाध्यक्ष आ.शशिकांत शिंदे स्वतः उपस्थित राहणार आहेत.
शशिकांत शिंदे यांचे धाराशिव शहरात आगमन सायं. 6 वाजता येणार असून, ते आझाद चौकातील जाहीर सभेला संबोधित करतील. ही सभा नगराध्यक्ष पदाच्या उमेदवार परवीन खलिफा कुरेशी यांच्या प्रचारार्थ तसेच 30 पक्षाचे उमेदवार व दोन पुरस्कृत उमेदवारांच्या समर्थनार्थ आयोजित करण्यात आली आहे.जिल्हाध्यक्ष डॉ.प्रतापसिंह पाटील यांनी धाराशिवकरांना आवाहन केले आहे की,“26 नोव्हेंबर रोजी होणाऱ्या या सभेला मोठ्या संख्येने उपस्थित राहून पक्षाच्या उमेदवारांना बळ द्यावे.”धाराशिवमध्ये होणारी ही सभा आगामी निवडणुकांसाठी पक्षाच्या प्रचाराचा महत्त्वाचा टप्पा मानली जात असून, प्रदेशाध्यक्ष आ.शशिकांत शिंदे यांच्या पहिल्या सभेमुळे उमेदवार, पदाधिकारी आणि कार्यकर्त्यांमध्ये उत्साहाचे वातावरण निर्माण झाले आहे.
