धाराशिव – धारशिवच्या जिल्हाधिकाऱ्यांचे डान्स प्रकरण काही थांबण्याचे नाव घेताना दिसत नाही. व्हायरल व्हिडिओवरून जिल्हाधिकारी किर्ती किरण पुजार हे चर्चेत आले आहेत. डान्स व्हिडिओ वरून टीका होऊन राजकीय पडसाद देखील उमटू लागले आहेत. अशातच आता एका निवृत्त पत्रकाराने जिल्हाधिकाऱ्यांना ठरवून टारगेट केलं जात असल्याची पोस्ट शेअर करत एकच खळबळ मजवून दिली आहे.
काय आहे नेमकी पोस्ट?
हा घ्या पुरावा…जिल्हाधिकारी यांचा ठरवून गेम केला, डोक्यावर हात, पोस्ट डिलीट
स्वतःच्या दावणीला बांधलेली एक पीआर एजन्सी एका सत्ताधारी नेत्याने धाराशिव जिल्हाधिकारी यांना मंदीर व त्यांच्या प्रसिद्धीसाठी नेमायला लावली. त्याच्या मार्फत जिल्हाधिकारी यांच्या प्रत्येक कार्यक्रम व हालचालींवर बारीक लक्ष ठेवण्याचा यामागचा हेतू होता.
सांस्कृतीक कार्यक्रमाचा व्हिडिओ त्यांनी पद्धतशीरपणे प्रसार माध्यमात पोहचवला, त्याची चर्चा घडवून आणली. त्यानंतर एक पोस्ट करून जिल्हाधिकारी यांच्यावर टीका करीत संताप व्यक्त केला. मुख्यमंत्री फडणवीस यांच्यासह अन्य मंत्री दौरे करीत असताना जिल्हाधिकारी यांचा व्हिडिओ आला असे म्हणत पोस्ट केल्या, तुम्हाला काय वाटते हे कमेंट करून प्रतिक्रिया कळवा असे सांगितले, विषय चर्चेत आला की पद्धतशीरपणे ती पोस्ट डिलीट केली. मी नाही त्यातला असे म्हणत त्याच पीआर संस्थेने जिल्हाधिकारी यांच्या बाजुने वाजवायला सुरुवात केली.
स्वतःच्या पक्षाची यंत्रणा वापरून जिल्हाधिकारी यांच्या समर्थनात पोस्ट करून लोक तुमच्या पाठीशी आहेत हे आभासी दाखवण्याचा डाव खेळला व जिल्हाधिकारी यांच्या डोक्यावर हात ठेवला. अडचणीत आणायचे व पुन्हा सोडवायचे असा हा प्रकार पोस्ट डिलिट केल्याने समोर आला आहे. नेत्याच्या या आदेशाने जिल्हाधिकारी मात्र अडचणीत आले.
1 कोटींचा मुख्यमंत्री सहायता निधी देऊन हे प्रकरण शांत होण्याची शक्यता दिसत नाही. अश्या आशयाची पोस्ट निवृत्त पत्रकार तानाजी जाधवर यांनी शेअर केली आहे
