धाराशिव – बार्शी-परांडा रोडवरील एका पेट्रोल पंपाजवळ आज दुपारी भीषण अपघात झाला. दोन कार आणि एका रिक्षामध्ये जोरदार धडक होऊन हा अपघात घडला. या घटनेत काहीजण गंभीर जखमी झाल्याची प्राथमिक माहिती आहे.
अपघातामुळे परिसरात एकच गोंधळ उडाला होता. स्थानिक नागरिक आणि प्रवाशांनी मदतीसाठी धाव घेतली. पोलिसांनी त्वरित घटनास्थळी पोहोचून वाहतूक सुरळीत केली आणि जखमींना रुग्णालयात दाखल केले.
अपघाताचे नेमके कारण अजून स्पष्ट झाले नसले तरी वाहनांच्या अतिवेगामुळे हा अपघात घडल्याचा अंदाज लावला आहे. या घटनेमुळे बार्शी-परांडा रोडवरील वाहतूक काही काळ ठप्प झाली होती.
पोलिस अधिक तपास करत असून नागरिकांनी वाहतूक नियमांचे पालन करण्याचे आवाहन केले आहे.
