धाराशिव – “सभेला मिळालेल्या प्रचंड प्रतिसादामुळे विरोधकांच्या गोटात अस्वस्थता निर्माण झाली असून हे दृश्य धडकी भरवणारे ठरत आहे.”धाराशिवमध्ये राष्ट्रवादी काँग्रेस शरदचंद्र पवार पक्षाचे प्रदेशाध्यक्ष शशिकांत शिंदे यांच्या नेतृत्वाखाली परवीन खलिफा कुरेशी यांच्यासह तुतारी चिन्हावरील 30 उमेदवार आणि दोन पुरस्कृत उमेदवारांच्या प्रचारार्थ भव्य आणि ऐतिहासिक जाहीर सभा पार पडली. शिंदे यांनी आपल्या दमदार भाषणात स्पष्ट केले की, महाविकास आघाडीसोबत लढण्याची आमची इच्छा होती,भाजपाला फायदा होऊ नये म्हणून आम्ही प्रयत्नही केले. मात्र आम्हाला कमी लेखण्याचा प्रयत्न झाल्याने राष्ट्रवादी काँग्रेस (शरदचंद्र पवार) पक्षाला आपले तुतारी चिन्ह लोकांपर्यंत पोहोचवण्यासाठी स्वतंत्र लढत द्यावी लागत आहे.
परवीन खलिफा कुरेशी या निश्चित विजयी होतील!कारण जो माणूस लोकांसाठी रात्रंदिवस काम करतो त्याला धर्म-जातीचा वास नसतो. सर्व समाज बांधवांनी जातीधर्माच्या पलीकडे जाऊन कार्यकर्त्यांसाठी झटणाऱ्या चांगल्या उमेदवारांना साथ असे आवाहन त्यांनी यावेळी केले.राष्ट्रवादी काँग्रेस (शरदचंद्र पवार) पक्षाने मुस्लिम समाजाला प्रतिनिधित्व देत खरे पुरोगामित्व भावना दाखवून दिली आहे,याचेही त्यांनी कौतुक केले.जनतेने आमच्या तुतारी चिन्हावरील उमेदवारांना विजयी केल्यास येणाऱ्या पाच वर्षांत जाहीरनाम्यातील प्रत्येक आश्वासन पूर्ण करण्याची शपथ शिंदे साहेबांनी घेतली.सभेला पक्षाचे ज्येष्ठ नेते,पदाधिकारी, कार्यकर्ते आणि जनसमुदाय अतिशय मोठ्या संख्येने उपस्थित होते.
