वाशी – वाशी तालुकास्तरीय विज्ञान प्रदर्शनामध्ये तेरखेडा येथील सुबोध विद्या मंदिर प्रशालेने बाजी मारत प्रथम क्रमांक पटकावला आहे. सोमवार (दि.8) रोजी हे तालुकास्तरीय विज्ञान प्रदर्शन महारुद्र आनंदराव मोटे माध्यमिक विद्यालय पार्डी ता.वाशी या शाळेत आयोजित करण्यात आले होते.
सौर ऊर्जेवर बनवण्यात आलेल्या प्रकल्पावर सुबोध विद्यालयाच्या राशी हनुमंत खोत (इ. 9 वी) व प्रियंका रामदास खोत (इ.10 वी) या विद्यार्थीनींनी सादरीकरण केले. सदरील प्रकल्पावर विद्यार्थीनींनी सखोल माहिती देत सौरऊर्जेचे महत्त्व पटवून दिले. या तालुकास्तरीय विज्ञान प्रदर्शनासाठी वाशी तालुक्यातील शाळांनी सहभाग नोंदवला होता. या कार्यक्रमाचे अध्यक्ष मुख्याध्यापक करंडे सर, प्रमुख अतिथी गट विकास अधिकारी यांचे प्रतिनिधी राठोड, गटशिक्षणाधिकारी घोलप, महिला व बालकल्याण अधिकारी गणेश कुकडे, विस्तार अधिकारी कोल्हे, टेकाळे मॅडम, निरंजन माने, केंद्रप्रमुख मोहिते सर, चौधरी सर, भालेकर सर तसेच गटशिक्षण कार्यालय सर्व विषय तज्ञ, माजी मुख्याध्यापक भायगुडे सर, परीक्षक म्हणून आलेले राऊत सर, पायघन सर, इंगळे सर, कुलकर्णी सर, प्रशांत गायकवाड सर तसेच सर्व शाळेचे मुख्याध्यापक तसेच विज्ञान शिक्षक, विद्यार्थी या कार्यक्रमाला उपस्थित होते.
यावेळी कुकडे व अधिकारी घोलप सर यांनी विद्यार्थ्यांना मार्गदर्केशन केले. वाशी तालुकास्तरीय विज्ञान प्रदर्शन प्राथमिक गटातून छत्रपती शिवाजी विद्यालय वाशी, द्वितीय क्रमांक जिल्हा परिषद प्राथमिक शाळा सारोळा मांडवा, तृतीय क्रमांक जि.प.प्रा शाळा बावी तसेच प्राथमिक दिव्यांग गटामधून प्रथम क्रमांक कै.महारुद्र आनंदराव मोटे माध्यमिक विद्यालय पार्डी, माध्यमिक गटातून प्रथम क्रमांक सुबोध विद्यालय तेरखेडा, द्वितीय क्रमांक जि.प प्रशाला इंदापूर, तृतीय क्रमांक कै.महारुद्र आनंदराव मोटे माध्यमिक विद्यालय पार्डी, माध्यमिक दिव्यांग गटामधून प्रथम क्रमांक कै.महारूद्र आनंदराव मोटे माध्यमिक विद्यालय पार्डी, तसेच प्राथमिक शिक्षक गटातून जि.प प्राथमिक शाळा सरमकुंडी, माध्यमिक गटातून जे.आय.आर.टी वाशी, प्रयोगशाळा सहाय्यक मधून गणेश विद्यालय तेरखेडा यांनी प्रथम क्रमांक पटकावले.
क्रमांक पटकावलेल्या सर्व सहभागी विद्यार्थ्यांना गटशिक्षण अधिकारी घोलप सर यांच्या हस्ते सन्मानपत्रक तसेच ट्रॉफी देऊन गौरविण्यात आले. या कार्यक्रमासाठी शाळेचे सर्व शिक्षक शिक्षकेतर कर्मचारी यांनी परिश्रम घेतले तर कार्यक्रमाचे सूत्रसंचालन गवळी सर यांनी केले
