धाराशिव – धाराशिव जिल्हा पत्रकार संघाच्या अध्यक्षपदी देविदास पाठक तर सरचिटणीसपदी रवींद्र केसकर यांची सर्वानुमते निवड करण्यात आली आहे. चंद्रसेन देशमुख यांच्या अध्यक्षतेखाली धाराशिव जिल्हा पत्रकार संघाची बैठक गुरुवारी पार पडली. यात पत्रकार संघाची पुढील 2 वर्षांसाठी नूतन कार्यकारिणी जाहीर करण्यात आली. यामध्ये अध्यक्षपदी देविदास पाठक, उपाध्यक्ष गोविंदसिंग राजपूत तर सरचिटणीस म्हणून रवींद्र केसकर यांची सर्वानुमते निवड करण्यात आली आहे.
धाराशिव जिल्हा पत्रकार संघाच्या कार्यकारिणीची मुदत संपल्याने नूतन कार्यकारिणी निवडीसंदर्भात चंद्रसेन देशमुख यांच्या अध्यक्षतेखाली गुरुवारी नूतन कार्यकारिणी निवडीसाठी बैठक आयोजित करण्यात आली होती. यावेळी पुढील दोन वर्षांसाठी पत्रकार संघाची नूतन कार्यकारिणी जाहीर करण्यात आली. यामध्ये अध्यक्षपदी देवीदास पाठक (दुरदर्शन/ आकाशवाणी), उपाध्यक्ष गोविंदसिंह राजपूत (दैनिक सुराज्य), सरचिटणीस रविंद्र केसकर (दैनिक संचार), सहचिटणीस कालिदास म्हेत्रे (छायाचित्रकार), कोषाध्यक्ष बालाजी निरफळ (न्यूज 18 लोकमत), जिल्हा संघटकपदी विकास सूर्डी (दैनिक लोकमत), सहसंघटक महेश पोतदार (मुक्त पत्रकार), प्रसिध्दी प्रमुख राकेश कुलकर्णी (दैनिक सामना) यांची सर्वानुमते निवड करण्यात आली. तर कार्यकारिणी सदस्यपदी चंद्रसेन देशमुख (दैनिक आरंभ मराठी), सुहास सरदेशमुख (दैनिक लोकसत्ता), भीमाशंकर वाघमारे (दैनिक पुढारी), आपासाहेब शेळके (एबीपी माझा), ज्ञानेश्वर पतंगे (झी 24 तास), राजेंद्रकुमार जाधव (दैनिक सकाळ), शितल वाघमारे (दैनिक प्रजापत्र), बालाजी सुरवसे (साम टिव्ही), ओंकार कुलकर्णी (एनडीटीव्ही मराठी), सुधीर पवार (दैनिक लोकपत्र) यांची निवड करण्यात आली. पत्रकार संघाचे मार्गदर्शक म्हणून अनंत अडसूळ, कमलाकर कुलकर्णी, दिलीप पाठक-नारीकर, सयाजी शेळके, संजय पाटोळे, बाळासाहेब मुंदडा, विशाल सोनटक्के (दैनिक लोकमत) राहतील.
यावेळी पत्रकार संघाच्या वतीने लवकरच जिह्यातील पत्रकारांचा विमा काढण्यात येणार असून, जिह्यातील सर्व माध्यमांच्या पत्रकारांची छायाचित्रासह संपर्क क्रमांक असलेले कॉफी टेबल बुक प्रसिद्ध करण्याचा निर्णयही घेण्यात आला. यावेळी नूतन पदाधिकाऱ्यांचा पत्रकार संघाच्या वतीने पुष्पगुच्छ देऊन सत्कार करण्यात आला.
