कळंब – लोकसभा सार्वत्रिक निवडणूक -२०२४ दरम्यान उमेदवार आणि राजकीय पक्षांच्या निवडणूक खर्चावर आणि निवडणुकीतील गैरप्रकारांवर लक्ष ठेवण्यासाठी तालुक्यातील मांजरा नदीकाठी जिल्हा हद्दीवर पथक स्थिर सर्वेक्षण पथकांची स्थापन करण्यात आहे, या मध्ये चोवीस तासांत तपासणी करण्यात येणार आहे अशी माहिती पोलिस निरीक्षक रवी सानप यांनी दिली आहे.
खर्च संनियंत्रणासाठी जिल्हाधिकारी तथा जिल्हा निवडणूक अधिकारी यांच्या अधिनस्त जिल्हास्तरावर समन्वय अधिकारी नेमण्यात आले असून प्रत्येक मतदारसंघाचे निवडणूक निर्णय अधिकारी यांच्या स्तरावर खर्च पथक नेमण्यात आले आहे. या पथकाचे काम अन्य विविध पथकांच्या समन्वयाने चालते.
भरारी पथक (एफएसटी), स्थिर सर्वेक्षण पथक (एसएसटी), व्हिडीओ सर्वेक्षण पथक (व्हिएसटी), व्हिडीओ पाहणी पथक (व्हिव्हिटी), माध्यम संनियंत्रण आणि प्रमाणीकरण समिती (एमसीएमसी), जिल्हा नियंत्रण कक्ष व तक्रार संनियंत्रण कक्ष आदीदेखील खर्च पथकाला सहकार्य करतात. तसेच त्यासाठी आयकर विभाग आणि राज्य उत्पादन शुल्क विभागाचीदेखील या कामात मदत घेतली जाते.
जिल्ह्यातील लोकसभा मतदार संघाअंतर्गत कळंब धाराशिव विधानसभा मतदार संघ हद्दीतील धाराशिव जिल्ह्याची व बीड जिल्ह्याची हद्द म्हणजे मांजरा नदीकाठ च्या नजिक असलेल्या द्वारका नगरी जवळ एक स्थिर सर्वेक्षण पथक स्थापन करण्यात आली आहेत.
या पथकांद्वारे मतदारांना प्रभावित करण्यासाठीची रोकड, मद्य, तसेच प्रतिबंधित पदार्थांच्या वाहतुकीस आळा घालणे, आचारसंहिता भंगाबाबत घटनांवर लक्ष देणे, निवडणुकीतील गैरप्रकारांची माहिती घेणे, सिव्हिजिल आणि नियंत्रण कक्षाकडे आलेल्या तक्रारींवर कार्यवाही आदी कामे करण्यात येतात.
याठिकाणी पथकात कृषी विभागाचे भुजंग लोकरे, जलसंधारण विभागाचे एन बी कानडे हे अधिकारी , कॅमेरामन अजय महामुनी, पोलीस नाईक महादेव मुंडे, पोलीस कॉन्स्टेबल एस पी गायकवाड हे हजर होते.
