तालुकास्तरीय आर. आर.आबा स्मार्ट ग्राम पुरस्कार प्राप्त
धाराशिव – धाराशिव तालुक्यातील शिंगोली ग्रामपंचायत ला आर. आर. आबा सुंदर गाव पुरस्कार मिळाला आहे. सण 2022-23 या वर्षात केलेल्या उत्कृष्ट कामाची दखल घेऊन जिल्हा परिषदेच्या वतीने दिला जाणारा स्मार्ट ग्राम पुरस्कार शिंगोली ग्रामपंचायत ला मिळाला आहे. सरपंच योगिता राहुल शिंदे, उपसरपंच मनोज मगर, ग्रामविकास अधिकारी विजयसिंह नलावडे साहेब तसेच संपूर्ण ग्रामपंचायत सदस्य आणि शिंगोलीतील सुजाण नागरिकांच्या अथक प्रयत्नातून धाराशिव तालुक्यातील शिंगोली ही प्रथम क्रमांकाची ग्रामपंचायत ठरली आहे. या पुरस्कारामुळे शिंगोली ग्रामपंचायत च्या शिरपेचात मानाचा आणखीन एक तुरा लावला आहे. या पुरस्काराच्या माध्यमातून10 लाख रुपयाचे बक्षीस शिंगोली ग्रामपंचायत ला मिळाले आहे. एक महिला सरपंच असून देखील त्या त्यांच्या उत्तम कार्य शैलीच्या जोरावर सर्वांच्या सहकार्याने मागील 3 वर्षात 3 पुरस्कार ग्रामपंचायत ला खेचून आणण्यात सरपंच योगिता ताई शिंदे यांना यश आले आहे. पुढील काळातही अश्याच प्रकारची उत्तम कामगिरी करून विविध पुरस्कार मिळवण्याचा विश्वास सरपंच सौ. योगिता राहुल शिंदे यांना आहे.
आमदार राणा जगजीत सिंह पाटील साहेब यांच्या हस्ते या पुरस्काराचे वितरण करण्यात आले. यावेळी जिल्हाधिकारी किर्ती किरण पुजार, जिल्हापरिषदेचे मुख्य कार्यकारी अधिकारी मैनक घोष,गट विकास अधिकारी नलावडे उपस्थित होते.
