धाराशिव – आगामी होणाऱ्या स्थानिक स्वराज्य संस्थांच्या निवडणुकीच्या पार्श्वभूमीवर बैठकांचे सत्र सुरू झाले आहे. इच्छुक उमेदवारांनी तयारी सुरू केली असून मोर्चे बांधणी करत कामाला लागल्याचे चित्र पहायला मिळत आहे
धाराशिव मध्ये महायुती मध्ये एकत्र लढण्यावरून मतभेद व संभ्रम आहे तर एकीकडे महाविकास आघाडी ही एकत्र लढण्याच्या दिशेने एक-एक पाऊल पुढे टाकताना दिसून येत आहे. नगर पालिकेच्या निवडणुकीसाठी आज पासून नामनिर्देश अर्ज दाखल करण्यास सुरुवात झाली आहे.
दरम्यान, धाराशिव च्या नगराध्यक्ष पदासाठी महाविकास कडून आज इच्छुक उमेदवारांची चाचपणी करण्याची शक्यता वर्तवली जात आहे. शिवसेना ठाकरे गटाकडून काही प्रभागातून उमदेवार फिक्स करण्यात आले आहेत तर काही उमेदवारांना वेटींग लिस्ट मध्ये ठेवण्यात आले आहे. धारशिवच्या नगराध्यक्ष पदासाठी उमेदवार जाहीर होणार असल्याची चर्चा राजकीय वर्तुळात रंगली असून आज होणाऱ्या बैठकीत महाविकास आघाडी कोणत्या उमेदवाराला संधी देणार याकडे सर्व शहरवासीयांचे लक्ष लागले आहे. या बैठकीसाठी महाविकास आघाडीतील प्रमुख नेत्यांसह इच्छुक उमेदवार तसेच कार्यकर्ते मोठ्या संख्येने उपस्थित राहणार असल्याची माहिती आहे
