तुळजापूर – तुळजापूर नगरपरिषदेचे नवनिर्वाचित नगराध्यक्ष विनोद पिटू गंगणे यांचा पदग्रहण समारंभ आज मोठ्या उत्साहात संपन्न झाला. यावेळी आमदार राणाजगजितसिंह पाटील यांच्यासह अर्चना पाटील यांनी उपस्थित राहून भावी कार्यासाठी शुभेच्छा दिल्या. या दरम्यान छत्रपती शिवाजी महाराज, डॉ.बाबासाहेब आंबेडकर यांना अभिवादन करून तसेच तुळजाभवानी मातेच्या प्रतिमेस पूजन करून कार्यक्रमाची सुरुवात झाली.
नगर परिषदेच्या माध्यमातून तुळजाई नगरीच्या सर्वांगीण विकासासाठी कटिबद्ध राहून नागरिकांच्या पायाभूत सुविधा, विकासकामे, स्वच्छता, पाणीपुरवठा, रस्ते, आरोग्य व शिक्षण या क्षेत्रांमध्ये प्रभावी व लोकाभिमुख कार्य घडवून आणावे, नगर परिषदेत पारदर्शक, गतिमान व विकासाभिमुख कारभार घडून येईल, तसेच सर्वसामान्य नागरिकांच्या प्रश्नांना प्राधान्य देत शहराच्या प्रगतीसाठी ठोस निर्णय घेतले जातील, असा विश्वासही यावेळी विनोद गंगणे यांनी व्यक्त केला.
यावेळी महंत तुकोजी बुवा, दत्ताभाऊ कुलकर्णी, सुनील चव्हाण, नितीन काळे, मल्हार पाटील यांच्यासह आजी माजी नगरसेवक, भाजपचे प्रमुख पदाधिकारी व कार्यकर्ते व शहरवासीय मोठ्या संख्येने उपस्थित होते.
