धाराशिव – श्री तुळजाभवानी देवीच्या भाविकांना आता अतिरिक्त शुल्क भरून दर्शन घ्यावे लागणार आहे. या शुल्काची दरवाढ मंदिर संस्थानने केली असून यासंबंधीचे परिपत्रक आज जाहीर करण्यात आले आहे.ऐन नवरात्र महोत्सवात मंदिर संस्थानने व्हीआयपी पेड दर्शन पासचे शुल्क वाढवल्यामुळे भाविकांमध्ये तीव्र नाराजी आहे
दिनांक 19 सप्टेंबर पासूनचे पुढील अभिषेक पास हे 15 सप्टेंबर रोजी सायंकाळी आठ वाजेपर्यंत बुक करता येतील तसेच दिनांक 16 सप्टेंबर ते 18 सप्टेंबर पर्यंतचे अभिषेक पास हे दिनांक 15 सप्टेंबर सायंकाळी पाच वाजेपर्यंत बुक करता येतील.
अभिषेक पास पुढील प्रमाणे
जुने दर
- देणगी दर्शन पास सध्याचे शुल्क 200 रुपये
- देणगी दर्शन पास 500 रुपये
- स्पेशल गेस्ट देणगी दर्शन पास (रेफरल पास) 200 रुपये
- सकाळचे अभिषेक पास संख्या 300
वरील प्रमाणे हे सध्याचे दर असून दिनांक 20 सप्टेंबर ते 8 ऑक्टोंबर 2025 पर्यंत पुढील शुल्क असणार आहे
- देणगी दर्शन पास 300 रुपये
- देणगी दर्शन पास 1000 रुपये
- स्पेशल गेस्ट देणगी दर्शन पास (रेफरल पास) 500 रूपये
- सकाळचे अभिषेक पास संख्या 400 रु.
नवरात्र उत्सव काळात तुळजाभवानी देवीच्या दर्शनासाठी राज्यभरातून लाखो भाविक येतात. देवीचे दर्शन सुलभ हवे म्हणून काही भाविक व्हिआयपी पेड पास काढून दर्शन घेण्यास पसंती देतात. या काळात सुमारे 50 लाखाच्या आसपास भाविक येतात व त्यापैकी किमान एक लाख भाविक हे व्हीआयपी पेड पास काढून दर्शन घेतात. मात्र नवरात्र उत्सवाच्या काळात हे दर वाढवल्याने भाविकांच्या खिशाला कात्री लागणार असून भाविकांमध्ये तीव्र नाराजी व्यक्त होताना दिसून येत आहे.
