धाराशिव – महाराष्ट्रामध्ये राजकीय घडामोडींना वेग आला आहे. उमेदवारी अर्ज दाखल करण्याचा उद्या शेवटचा दिवस असताना धाराशिव जिल्ह्यामध्ये ठाकरे गटाला धक्का बसण्याची शक्यता आहे.शिवसेना पक्ष प्रमुख उद्धव ठाकरे गटाचे खासदार ओम राजेनिंबाळकर यांचे बंधू मकरंद राजेनिंबाळकर यांनी आज अपक्ष उमेदवारी अर्ज घेतला आहे त्यामुळे धाराशिव-कळंब मतदारसंघांमध्ये मोठा राजकीय ट्विस्ट पाहायला मिळण्याची शक्यता आहे. मकरंद राजेनिंबाळकर हे धाराशिव जिल्ह्याचे सह संपर्कप्रमुख म्हणून कार्यरत आहेत त्यांनी खासदार ओम राजेनिंबाळकर यांच्या प्रचाराची धुरा सांभाळली होती. मकरंद राजे निंबाळकर हे कळंब धाराशिव मतदार संघातून इच्छुक होते. महाविकास आघाडीच्या वाटाघाटी मध्ये कळम धाराशिव मतदार संघ हा शिवसेना पक्ष उद्धव ठाकरे गटाला सुटला आणि विद्यमान आमदार कैलास पाटील यांना पक्षाने उमेदवारी जाहीर केली. कळंब धाराशिव ऐवजी तुळजापूर मतदार संघातून उमेदवारी द्यावी अशी मकरंद राजे निंबाळकर यांची इच्छा होती परंतु तुळजापूरचाही निर्णय झाला असून तेथे महाविकास आघाडीतील काँग्रेस पक्षाला जागा सुटली आणि धीरज पाटील यांचे नाव पुढे आल्याने मकरंद राजे निंबाळकर यांनी आज उमेदवारी अर्ज घेतला आहे उद्या ते आपला उमेदवारी अर्ज अपक्ष म्हणून दाखल करणार आहेत.
कोण आहेत मकरंद राजे निंबाळकर?
मकरंद राजेनिंबाळकर हे धाराशिव नगरपालिकेचे सलग पंधरा वर्षे सदस्य होते तसेच सलग सात वर्षे नगराध्यक्ष पद त्यांनी भूषवले त्यांच्या कार्य काळामध्ये त्यांनी धाराशिव शहरांमध्ये विविध विकास कामे केली असून त्यांचा जनसंपर्क हा धाराशिव शहर तसेच धाराशिव तालुका कळंब तालुका येथे दांडगा आहे. मकरंद राजे निंबाळकर यांचा कार्यकर्ता वर्ग मोठा असून कार्यकर्त्यांनी त्यांना उमेदवारी दाखल करण्याचा सल्ला दिला आणि कार्यकर्त्यांनी त्यांना अपक्ष उमेदवार म्हणून उमेदवारी घेण्यास भाग पाडले आहेत म्हणूनच की काय आज मकरंद राजे निंबाळकर यांनी उमेदवारी अर्ज घेतला आहे उद्या कार्यकर्त्याचा समवेत ते अपक्ष उमेदवार म्हणून उमेदवारी दाखल करणार आहेत जर मनोज जरांगे पाटील यांनी त्यांना उमेदवार म्हणून घोषित केले मराठा समाजाचे किंवा मनोज जरांगे पाटील यांचे सक्षम उमेदवार म्हणून दिसून येतील.
