जिल्हाधिकारी ओंबासे,मा.मंत्री चव्हान यांच्या हस्ते पत्रकार अयुब शेख यांचा गौरव

नळदुर्ग – धाराशिव जिल्ह्याचे कर्तव्यदक्ष जिल्हाधिकारी ओंबासे आणि मा.मंत्री मधुकरराव चव्हाण यांच्या हस्ते पत्रकार आयुब शेख यांना मराठवाडा युवा गौरव पुरस्काराने दि 22 रोजी नळदुर्ग येथील आयोजित सोहळ्यात सन्मानित करण्यात आले.
ज्ञानकिरण सामाजिक संस्था अणदूरच्या वतीने मराठवाडा मुक्ती संग्राम दिन अमृत महोत्सवी वर्षानिमित्त आयोजित सोहळ्यात मराठवाडा युवा गौरव पुरस्काराणे सन्मानित करण्यात आले.
यावेळी जिल्ह्याचे जिल्हाधिकारी सचिन ओंबासे. मा.मंत्री मधुकरराव चव्हाण,संस्थेचे अध्यक्ष भैरवनाथ कानडे, तहसीलदार अरविंद बोलंगे,स.पो.नि.स्वप्नील लोखंडे,पत्रकार संघाचे अध्यक्ष धनंजय रणदिवे,डॉ. सुरेश वाघमारे, सरपंच रामदादा अलुरे आदी मान्यवर व्यासपिठावर उपस्थित होते.तसेच कार्यक्रमात अनेक राजकीय सामाजिक क्षेत्रातील मान्यवर, प्रतिष्ठित नागरिक मोठ्या संख्येने उपस्थित होते.
राजकीय,सामाजिक आणि क्रीडा क्षेत्रात गेल्या अनेक वर्षांपासून उल्लेखनिय कार्य करत असणाऱ्या पत्रकार अयुब शेख हे आपल्या लेखणीतून जनसामान्यांच्या प्रश्नांना वाचा फोडली असून नानाविध क्षेत्रांत सक्रिय आहेत.वंचित, पिडीत आणि शोषित व्यक्ती/कुटुंबाना न्याय मिळवून देण्यात ते नेहमी अग्रेसर असल्याचे दिसून येतात.पत्रकार अयुब यांच्या उल्लेखनीय कामगिरीची दखल घेऊन हा पुरस्कार संस्थेच्या वतीने प्रदान करण्यात आल्याने सर्व क्षेत्रातून कौतुकाचा वर्षाव होत आहे.

अधिक अपडेट साठी आमच्या फेसबुक पेजला फॉलो करा